Dinsdig 11 November
Ein-de-lik is ut zowiet!! Vanaaf 19.00 zölle veer net es veurig jaor gezamelik mit de sjötterie deze aovendj ut sezoen aopenen. En verkasse veer vanoet ozze aoje tempel Den Tegel nao ozze nuuje tempel De Tramhalte.
Vriedig 21 November
"Weg mit de aoje, tied veur de nuuje!"
Mer veur 't zowieëd is, boewe v'r nag éine keer ein onvergaetelik fieës mit ózze zeer gewaardeerde veurgenger van 't aafgeloupe sezoen: Jeroen I. Ziene lètste aovendj es Zijne Dórslustige Hoeëgheid vultj hae tot oppe millimaeter zelf in - ongetwiefeldj vol passie en beer zoès veer van 'm gewind zeen.
Zaoterdig 22 November
Waem geit de scepter zjwèje in Lin? Waem wird de nuuje Prins van CV de Kwekkerte van 't sezoen 2025-2026? Waem wird 't nuuje jeugprinsepaar van JCV de Kuulköp?
In ein ougsjtrelend sjpektakelsjtök zólle de nuuje heersers aan uch waere veurgesjtèld.
Sjpanning en sensatie gegarandeerdj!
