Programma 2020-2021

  1. Vastelaovesquiz (i.s.m. Lin FM)

    Zaoterdig 30 Jannewari

    Vastelaovesquiz (i.s.m. Lin FM)

    Waem is de groeëtste Vastelaovesfan van Lin?

    19:44 oer
    Online

    Lin FM organiseert in samewerking mit CV de Kwekkerte dé enige echte online Vastelaovesquiz.

    In mei, toen v’r veur ‘t iëers eine digitale quiz organiseerdje, woore v’r totaal verrasj door ‘t enthousiasme woomit de quiz waerde onthaoldj. Mer leefs 40 teams sjtreede om de euverwinning! V’r haope op 30 jannewari auch weer te kinne raekene op uch deilname. Den sjpele v’r namelik eine nuuje Dörpsquiz, volledig in ’t vastelaovesthema.

    Mer unne vastelaoveskwis, zonder 'n hepke en drenkse is geine echte vastelaoveskwis. Veur 15 euro krieg ger een pakketje vanoet de CV aangeboje om de aoavendj nog get extra op te leuke. En daomit ongerstjeunt g'r auch nog 'ns de lokale ongernömmer!

    Dus: Raap dien team biejein, vijzel dien vastelaoveskinnes op en sjpeel mit veur de onvergankelike iëer en inkele leuke prieze! Opgaeve veur de quiz kint via www.linfm.nl

    Wiltj ger gebroek make van het vastelaovens pakketje, besjtèl den 't pakketje via de Shop en den zorge veer d'r veur det 't pakketje de 29ste of 30ste thoesgebrach weurd.



    Vastelaovesquiz (i.s.m. Lin FM)
  2. Vastelaovessjpeurtoch

    Maondig 08 Febrewari

    Vastelaovessjpeurtoch

    Kinse 't vinje jong?

    12:00 oer
    Linne

    Noe v'r neet same mooge komme, trèkker v'r d'r mèr allein op oet door de Kwekkertepool. V'r höbbe ein sjoeën route veur uch samegesjtèld door os sjoone dörpke. Veur jonk & aod, opgeleuktj mit versjillende sjpelkes, puzzelkes en vroage. Det brik zoeë lekker de quarantaine!

    Vanaaf maondig 8 fibberwari besjikbaar, toet in de eeuwe der eeuwe.
    Deilname is gratis en besjikbaar via de app Troovie.
    Meer informatie en instructies veur deilname volgtj via de Kwekkerte-Facebookpagina en de website, www.kwekkerte.nl

  3. Digitaal Aod Wieverbal

    Maondig 08 Febrewari

    Digitaal Aod Wieverbal

    Online sjpel-sjpektakel

    12:00 oer
    Online

    Op 't Aod Wieverbal geit van aodsher eederein onherkinbaar de sjtraot op. Om 12 oer gaon de maskers aaf en den dink se "Verrek, bös doe det?!". Hoewel... Waat noe es eine infiltrant mit kwaoje bedoeling zich zów mènge onger de meinigte? 

    Tiedens dit Digitale Aod Wieverbal gaon v'r op zeuk nao de (virtuele) moordeneers in ós midde. Lukt 't de onsjuldige feesvierders om de infiltrante te ontmaskere veur det ze om zich haer griepe? Meer info euver opgave volgt via de website en Facebook!

  4. Groeëte Digitale Linner Optoch

    Zunjig 14 Febrewari

    Groeëte Digitale Linner Optoch

    De groeëte optoch, mer den in 't klein

    14:11 oer
    Online

    't Is al väöl te lang geleeje det Lin eine optoch hej! Daorom zórge v'r d'r geweun veur det d'r in 2021 wie den auch eine kump, al is 't online. Eederein dae wiltj kint zich in de kommendje waeke oetlaeve aan ein minituur ker, klein duo of pietluttig einzelgengerke. Haol de klei, lego, duplo, hout, crêpepapier, knutseldoos oet de kelder om dien creatie te vormen. Veer verzamele alle creaties en make ein carnavalèske oetzending op zondig 14 fibberwari, woo-in alle 'waages' via de digitale waeg door 't dörp trekke, veurzeen van commentaar en meziek. 

    Kinjer kriege informatie via de sjool. Volwassene die mit wille doon kinne zich via 't aanmeldformulier opgaeve. Men kintj ein plenkske aanvroage biej de Kwekkerte, wao-op se diene eige wage kins make. Zelf moogse natuurlijk oug eine ongergrondj keeze. Haoj den ongeveer 't formaat van ein A4-tje aan. 

    Lever uuterlijk maondig 8 Fibberwari dien creatie in biej de Groeëte zaal van de Hermeniezaal. Vraoge? Sjik ein mailtje nao secretaris@kwekkerte.nl.

  5. Online Poetebal

    Dinsdig 16 Febrewari

    Online Poetebal

    Danse, sjlokke, viere

    14:11 oer
    Online

    Auch 't Poetebal wit ziene waeg te vinje nao de digitale waereldj. Zie kinne häör optreajes thoes opnömme en doorsjture nao de organisatie, zodet veer dees kinne verwirke en montere in ein digitale show. Meer info en belangrieke data volgtj sjnel via deze website en Facebook.
     

  6. Kwekkert Verbranje

    Dinsdig 16 Febrewari

    Kwekkert Verbranje

    Auch dae mot nog de hens inne

    19:33 oer
    Online


    Auch óze traditionele aafsjloeting vanne Vastelaovendj zölle veer dit joar neet verlaore laote gaon. De kwekkert wördj wie den auch oug verbrandj dit jaor. De ceremonie is live te volge op Facebook.