Sjleuteleuverdracht

Nag aeve en 't gemèndjebesjtuur van Maasgouw sjtuit de bestuurlike 'mach' weer symbolisch aaf aan de vastelaovesvereniginge die tiejelik euver 't Maasgouwse Riek gaon regere.

Op twieë fieëstelike aovendje vintj de jäörlikse sjleuteleuverdrach plaats. Dit jaor gebeurtj det in de Harmoniezaal in Lin.
Idderein is van herte welkom om op dees aovendje aanwezig te zeen.

Op dónderdig 8 februari euverhenjigtj 't gemèndjebesjtuur de 'kleine sjleutel vanne mach' aan de jeugdprinse en -prinsesse. D'r is ouch dit jaor weer 'n interactief programma veur de jeug.
't Programma begintj óm 19:11 oer en doertj toet 22:30 oer.

Op vriedig 9 februari vintj de traditioneel sjleuteleuverdrach plaats veur de volwassene.
't Officieel gedeildje van dizze aovend begint óm 20:30 oer en doertj tot óngeveer 23:45 oer.

Toet den!

ALAAF!