NUUTS

Nuuje website live!

't Doert ff, mer den höbse oug get. De aafgeloupe zomer höbbe v'r hèl gewerk aan eine nuuje website. Noe, vlak veur de äöpening van 't seizoen 2019-2020, is d'r klaor veur gebroek. Wat höb geer, es trouwe volger van CV de Kwekkerte, dao aan? Det ligge v'r uch gaer ffkes oet :)

Ten opzichte van de aoje website zeen d'r ein aantal belangrieke dinger verangerd:
  1. Ózze nuuje website is geoptimaliseerd veur mobiel. Det wilt zigge; auch vanaaf ugge handy kint g'r alle pagina's äöpene zonger te hoove zoome, sjleipe en vaege. 
  2. De nuuje website is gebroeksvrunjteliker: dit wilt zigge, de nuutsberichte, fotogalerieën en 't programma zeen euverzichteliker vormgegaeve en mekkeliker te bedeene.
  3. Dankzij de nuuje website is 't auch meugelik om de online ticketverkoup, dae v'r veurig jaor zeen gesjtart, verder oet te boewe. 't Wird veur uch mekkeliker om uch besjtèlde tickets truuk te vinje en te downloade. 
  4. G'r kint vanaaf noe oug digitaal vrundj waere van CV de Kwekkerte en daomit de vastelaovendj sjteune. Veur sjlèchs €11 per jaor ontvangt g'r ein gratis vastelaovesgezet, krieg g'r veursjprong oppe kaartverkoup en wird ugge naam vermeld in de eregalerie. Mit uch perseunlike account geniet g'r daomit van de veurdeile die de vrundjsjap uch beejt. Meer informatie euver de Vrunjkaart van de Kwekkerte? Bekiek den hiej alle veurdeile.
  5. Tot sjlot kint g'r uch vanaaf noe auch via de nuuje website opgaeve veur de Leedjesaovendj en de Groeëte Linner Optoch. Interesse om mit te doon? Bekiek den hiej wie 't wirk.