Nuuj in Lin: Lekker Gek!

Maak uch op veur ein van de grootste en leukste feesjes die Lin ooit gezeen haet. Op zaoterdig 8 fibberwari 2020 ontvange v'r ein aantal van Limburgs grootste artieste en doon v'r zelf woo v'r good in zeen: Lekker Gek!

Lekker Gek is eine aovendj vol sjpass en gekkigheid, veur eederein dae de Vastelaovendj ein werm hert toedraag. Van jongk toet aod en van prettig gesjteurd toet gans gesjif. Trik dien gekste pekske aan, sjöd dich eine gooie in en dans esof de mörge neet besjteit. 

De line-up veur Lekker Gek besjtuit oet: 

• Erwin (van 't Merretkoer)
• Big Benny
• De Roerdassen
• Kenny & Bolle van de Sjtoepkloekers
• De Kwaakers
• DJ Ruud Luijten

Kaarte koste €11,- per sjtuk De kaartverkoup veur dit ivvement begint op woonsdig 4 december. Zeker zeen van dien kaarte? Waer vrundj vanne Kwekkerte en ontvang 48 oer veursjprong op dien dörpsgenote. Meer informatie euver 't programma en de kaartverkoup vólg sjnel. Blief oppe heugte via ós Facebookevenement.