Bekiek 't volledige programma van seizoen 2021-2022

Euver iets minder den eine maondj is 't zowied; den äöpene v'r eindelik 't nuuje vastelaovesseizoen. Daorom zeen veer gruuëts om uch ós boemvolle pregram veur seizoen 2021-2022 weer te mooge prizzentere!

Bekiek 't volledige pregram mit alle details auch in óze agenda.



Let op: de vermèldje aanvangstieje zeen onger veurbehoud en waere meugelik gewijzig aafhankelik van de op det moment geldende maatregele.

Kaartverkoup

Veur de ivvenemente A-Meezing Lin, De Prins Nuuëdigtj Oet, Lekker Gek! en de Buuttegala's waere entreekaarte verkoch. De verkoup zól volledig plaatsvinje via deze website, d'r zeen dus gein papiere kaarte meer in omloup. Meer informatie euver dees kaartverkoup zól zo sjnel meugelik waere gedeild via ein nuutsberich en ós social media kanale.

Coronatoegangsbewies

V'r gaon d'r vanoet det de activiteite die door de CV georganiseerd waere en traditiegetroew binne plaatsvinje, dit seizoen allein doorgang kinne vinje door 't gebroek van ein coronatoegangsbewies. Det beteikendj det allein miense die volledig zeen gevaccineerd, onlangs zeen hersjtèld van ein besjmetting mit 't coronavirus of minder dan 24 oer geleeje eine negatieve testoetsjlaag höbbe ontvange, aan 't ivvenement mooge deilnömme.

Biej alle ivvenemente die v'r dit seizoen organisere zól dus (zolang de richliene van de euverheid dit veursjrieve) aane entree gecontroleerd waere op dit toegangsbewies. Zórg dus det g'r in 't bezit zeent van ein coronatoegangsbewies es g'r aan ein ivvenement wiltj deilnömme.