Kenneth I Soentjens
Nao ein zinderende editie van 't "Linnervisie Songefestival" woor d'r mer eine kandidaat dae baovenaan de scorelies eindigde en daomit de nuuje veurgènger vanne Kwekkerte waerde: Kenneth Soentjens. V'r zeen d'r gruuëts op det Kenneth dit sèzoen veurop wiltj gaon. Same mit zien adjudante Ray Theunissen, Guido Soentjens en Bart Slabbers is hae klaor om de bühne in Lin te besjtiere mit ziene sjpreuk:
"GAEF GAAS EN VIER UT LAEVE!".
Proclamatie Kenneth I
Ich, Prins Kenneth de I
e,
gebaore in ’t Jokerriek en opgegreujd in ut Kwekkerteriek,
getrouwdj mit Désirée en vader van Joëlle en Guido en trotse opa van Finn,
woonachtig oppe Mergelwaeg,
vastelaovesvierder van ut 1
e oer,
laot uch weite en maak bekindj:
Ten 1ste: Det ich miene veurgenger, Prins Michel I, wil bedanke väör ’t sjoeane sezoen en de meneer wie hae mit zien gevolg de ker haet getrokke!
Ten 2dje: Det ich gebaore bön in ein Vastelaoves minnendje femilie. Opa en Oma, Prins en Prinses biej De Golfbraekers, Pap, Prins Carel Ie vanne Kwekkerte (1988), Mirian (en John), Prinses en Prins biej De Kuulköp, zelf Prins biej de Kuulköp in 1987, Joëlle, prinses in 2011, en den nog de naefkes en nichtjes die op diverse plekskes Prins of Prinses ware. Kortom ut Vastelaovesblood kriebeltj in os hele femilie.
Ten 3dje: Det ich in 1987, wiej ich jeugdprins waas, mit Duo Twee+ en de Kuulköp ut LVK gewonne höb mit ozze sjlager: Wieböle…. Waat waas det un fieës, in de Hanehof in Gelaen.
Ten 4dje: Det ich same mit Désirée nog un oetsjtepke nao ’t Jokerriek höb gemaaktj. Hiej höbbe veer 8 jaor mit plezeer gewoondj en zeen os kinjer gebaore. Mer oeteindelik misjde veer toch ut gekwaak van die Kwekkerte.
Ten 5dje: Det ich pas in 2017 de euversjtap nao De Kwekkerte höb gemaaktj. Ich höb lang rondgezjwomme in de Pool biej De Kuulköp. Hiej höb ich es besjtuurslid sjoon tieje mitgemaaktj. Dit haet mich un ere lidmaatsjap van dees vrunj opgeleverdj.
Ten 6dje: Det ich hieël groeats bön, det ich hiej noe moog sjtaon. Unne groeate druim, kömptj oet!
Ten 7dje: Det ich ut foto’s make, dit sezoen aan emes anges euver laot, in de haop det d'r väöl sjoeane kiekjes es herinnering gemaaktj waere. Auch ut klusteam zal mich dit sezoen wellich uns motte misse.
Ten 8dje: Det ich es adju’s, 3 èchte Vastelaovesvierders höb oetgezoch, wovan d'r mich al 2 es Prins zeen veurgegange. Miene zoon, DJ Guido, maaktj ut fieësje van dit 3-tal compleet.
Ten 9dje: Det ich mit mien adju’s d'r ein groeat fieës van gaon make en det v'r haope det gans Lin hiej biej aansjluutj.
Ten 10dje: Det de heren van eredivisieclub VC LIMAX, op zeuk motte nao tiedelikke vervangers väör de Zönjig-middige in dit sezoen, wille ze ut veldj opgebouwdj kriege en get meziek heure. Teves zal ich aafsjied motte nömme van mien vrunj van A.L.A.A.F. Wovan ich al vanaaf de oprichting lid bön, Sorry jonges!!!
Ten 11dje: Det v'r flink gaas gaon gaeve, om dit korte sezoen, tot un onvergaetelik sezoen te make én det allemaol onger miene sjpreuk:
"GAEF GAAS EN VIER UT LAEVE!"
