Insjrieve Digitale Optocht

Leef vastelaovesvrunj,
 
Aangezeen alle signalen op rood (geal,greun) sjtoan om unne Linner Optoch te loupe, wille veer es Kwekkerte de echte optochfanate toch häöre creatieve brein de gank laote gaon.
 
Der zal veur t ieërs unne digitale Linner Optoch plaats goan vinje dit jaor en waal op vastelaoveszònjig 14 Fibberwari vanaaf 14.11.  Dea daag zal middels Facebook en www.kwekkerte.nl de optoch door ut Linner Kwekkerte riek trékke. De optoch zal veurzeen waere van muziek en commentaar. Uiteraard zal de letste wage de Prinsewage van de Kwekkerte zeen mit Prins Tim 1 es middelpuntj.
 
Of se noe unne wage wils ontwerpe, un groep wils oetbeeldje of geweun es einselgänger de digtale optoch wils loupe, alles kan en moog waat os betref. Oug zouwse eventueel gebroek kinne make van bijveurbeeld lego, knex, klei, blökskes of duplo.
 
De kreativelinge die mit wille doon kinne zich opgaeve via dees link vanaaf 14 Jannewari. Men kintj ein plenkske aanvraoge biej de kwekkerte, wao-op se diene wage zous kinne maake, mer mochse zelf iets biej de handj höbbe is det natuurlijk oug helemoal prima, mer hoaj ongeveer de aafmaetinge aan van maximaal 20 biej 40 cm. V'r bezorge de plenkskes gratis biej uch thoes, dao kint echter ein paar daag euverhaer gaon. 
 
Lever dien prachtige kreatie uuterlik in op Maondig 8 Fibberwari tusse 17.30oer en 19.30oer biej de ingang van de groeate zaal van Grandcafe de Harmonie, zodet veer es kwekkerte alles kinne montere,  zodèt der toch op vastelaoveszònjig unne optoch kintj trèkke door ‘t dörp. 
 
Ut verzeuk om biej het inlevere van uch kreatie aan te geave, door weam ut gemaaktj is, de leaftie(j)d(e) en de oetbeelding van uch kreatie.
 
Nao de vastelaovendj kinne de ontwerpe op verzeuk weer opgehaold waere, zodat ze neet verlaore gaon!
 
Heel väöl succes mit t boewe en sjleutele van uch ontwerpe!