De Kuulköp

Jeugd prinsepaar Kuulköp 2026:

Prins Milan I & Prinses Evie I

Nao ein zinderende klopjach van ‘ 't Jachseizoen’, in eine bomvolle ‘Hansenzaal’ in os nuuje gemeinsjapshoes: D’n Dynamiek, zeen Milan Paulssen & Evie van Vlodrop oetgerope toet Jeugdprinsepaar vanne Kuulköp 2026!
Prins Milan I zól dit sezoen biejgesjtaon waere door ziene Adjudanten Max Janssen & Kjell Smeets.
Prinses Evie I zól dit sezoen biegesjtaon waere door häör Adjudantes Joes Janssen en Liz Schuren.

Zie zólle regere ónger de sjpreuk:
Weg mit die balle, veer zeen veur vastelaovendj gevalle!

Same mit de raod, de dansgardes en eederein dae mitgeit gaon we der weer ein KNALLEND sezoen van make!

Proklamatie Prins Milan I en Prinses Evie I:

Waem zeen de Kuulköp?

De Kuulköp is de jeugd vastelaovesvereiniging van Lin die al besteit sinds 1962.
Same mit de raod, ozze dansgardes, en de Linner jeugd viere veer de Vastelaovendj. Same op sjooi nao allerlei activiteiten van ozze buurtvereinigingen, en natuurlijk zeen we dao op de activiteite in eige dörp. Van leedjes zingen, same knutselen, toet optocht trikke, de Kuulköp zeen dao mit os prinsenpaar veurop! Veer weite waat sjpas en plezeer maken is, en det doon we same!

Ouch organisere veer de knutselclubmiddigen onger de naam de Kuulköp Fun Club, wo ver regelmatig same mit de kinjer vanne BS de Triangel gaon knutselen, spelkes sjpele, en derop oet gaon!

Waat doon veer veural?

Veer beginnen op 11 november en gaon door tot aswoonsdig
Bienao elk weekend trikke veer es vereiniging derop oet en laote veer os in elk dörp en sjtad zeen.
Veer gaon nao ‘t oetroope van ozze buurtvereinigingen, gaon ze feliciteren op heur receptie, en viere same de vastelaovendj in allerlei versjillende activiteiten!

Waat hubbe veer?

Veer roope elk jaor unne jeugdprins en een jeugdprinses mit heur adjudanten oet.
Veer hubbe ozze eige Kuulköp receptie.
Veer höbbe een jeugdraod die waat besteit oet jongens en maedjes.
Veer höbbe unne jeugdvorst.
Veer höbbe zelfs 2 dansgardes.
Veer hubbe veural veul sjpas en plezeer!

Dansgarde

Es Kuulköp hubbe veer ein eige dansgarde, dit jaor zelfs 2 gardes, die elke maondig trainen van 18:00u tot 19:00u (kleine garde) 19:00u tot 20:00u (grote garde)
Dit alles vinjt plaats in het zaaltje achterom bie Friture Linne, en den oefene veer ozze nuuije dans om vanaaf november tot aswoonsdig elke keer te sjitteren veur 100.000 miense.

Kom gerus ins kieke es de dames trainen, waem wêt viltj ’t waal inne sjmaak biej dich!

Liekt de Kuulköp noe get veur dich, of wilse ins veurzichtig probere, num kontak op via Kuulkoplin@gmail.com.

Of spreak eemes van ’t bestuur van Kuulköp aan, meistal te herkinne aan rooje jeskes mit os logo achterop.