Zaoterdig 19 november jongsleje waerdje in 'ne gezellige Harmoniezaal Prins Ray Theunissen I oetgerope es de nuje prins van CV de Kwekkerte.
Ray is 47 jaor, getrouwdj met Ingrid en haet 2 dochters Sanne en Karlijn. Hae wirktj bie Rensa Installaties/Verwerminge es verkouper, is leider van
'n jeugelftal vanne VV Linne en is commandant vanne Sjötterie St.Martinus te Lin. Teves is hae 'n vast en vast lid van 't sjötterszestal op 't OLS.)

Proclamatie van Prins RAY I van de Kwekkerte oet Lin

Ich, Prins Ray den 1ste,
Import oet 't riek vanne geitebok, oftewaal Boxmeer
Getrouwdj Ingrid oet 't Melickerlandj 
Vader van twieë sjatte van dochters, Sanne en Karlijn.
Verkouper van wermte en frisse luch bie Rensa
Sjutter, aod-keuning en commendant bie Sjutterie st. Martinus
Leider mit lange ij bie de B1 vanne Zebra's in Lin
Verzörger van knienke Woezel bie ós toes

Laot uch weite en maak bekindj:

Regel 1: Det ich miene veurganger, Prins Thierry I de complimente gaef veur de               veurtreffelikke wieze wao op hae de vastelaovesker haet getrokke.

Regel 2: Det vastealovendj 't sjoeanste sezoen is waat d'r is..

Regel 3: Det ich 't geweldig ving det v'r en sjtel Kwaakers d'r bie höbbe.

Regel 4: det ich dees jonges zal sjteune en mittrekke, en haop det geer det ouch doot

Regel 5: Det de optoch nog langer, sjoeander, kleurrieker en sjieker es angere jaore moog waere.

Regel 6: Det ich nao sjut, commandant en keuning ouch gaer keizer zów wille waere, mer omdet det neet meuglik is, mer veur Prins höb gekaoze.

Regel 7: Det ich es Prins uch neet zal commandaere, mer verwenne mit vastelaovesgeveul

Regel 8: Det ich haop det ich det zooitje ongehoebeldje adjudante in 't gareel kin haoje.

Regel 9: Det ich mit Pan Aaf de Linner ieër gaon verdedige op 't Midde Limburgs Leedjes Festival.

Regel 10:  Det v'r in polonaise van cafe nao cafe trekke.

Regel 11: Det ich haop det ich op aswoonsdig same mit mien adjudante eederein ’n sjitterende vastelaovendj höb gegaeve en det ónger miene sjpreuk:

Laef diene druim !!