Op zaoterdig 26 november jl. waerdje door mèr leefs door 11 groepe/deilnaemers
gesjtreje om de euverwinning oppe jaorlikse Leedjesaovendj.
Ouch dit jaor waas 't nivo euver de ganse lien genomme weer erg hoog ,
zoeadet de jury al heur wieshede haet motte aansjpraeke om toet 'n
eindoetsjlaag te kómme.

Cv de Kwekkerte bedanktj in idder geval, mede namens prins Ray I en zien
adjudante, alle deilnaemers veur 't welsjlage van dit Linner muzikale
sjpektakel.

De oetsjlaag is als volgtj:

Leedje:
1. De Anger Hellef ( Winnaar Linner Leedjesaovendj 2012)
2. JCV de Kuulköp
3. De Tempeliers

Presentatiepies:
1. De zingende Sjterretjes.

Op zaoterdig 10 december zal 't Midde-Limburgs-Leedjes-Festival ( MLLF)
plaatsvinje in Maasniel. Lin zal dit jaor waere vertegenwoordigdj door Pan Aaf, de winnaar van 2011. V'r winse heur hiel väöl succes en plezeer toe!